Upat ang patay ug upat usab ang samaran sa dihang naigo sa kilat sa Misamis Oriental niadtong Biyernes sa hapon.
Dead on arrival sa ospital sa Claveria sila Danny Lebron, 45 anyos ug Gregorio Digal, 50 anyos, puros taga Barangay Sta. Cruz, Claveria, Misamis Oriental.
Samtang, dead on arrival usab sa St. Paul Hospital sa Tagoloan sila Nelson Jabonga, 58 anyos ug Alex Agusan, 32 anyos nga puros mga taga Barangay Imelda, Villanueva, Misamis Oriental.
Lakip sa upat ka samaran sila Emeciascion Panhay, 65 anyos, Xenia Tali, 13 anyos, Charlie Alpaya, 10 anyos, puros taga Villanueva, Misamis Oriental ug John Paul Gucor, 15 anyos nga taga Barangay Sta. Cruz, Claveria, Misamis Oriental.
Facebook Comments
