Iligan City – Duha ka adlaw sa dili pa ang pormal nga paglingkod sa bag-ong mga napili nga opisyal sa gobyerno nanumpa na sa ilang katungdanan ang upat ka konsehal sa dakbayan sa iligan atubangan sa sala ni Executive Judge Anisah Amanodin Umpa.
Niadtu pang Hunyo 28, 2019 nanumpa sila si City Councilor Rosevi Quennie Belmonte, Councilor Elect Simplicio Larazzabal, Providencio Abragan Jr.,ug Michelle Sweet.
Nasabutan na nilang upat sa ilang pag-proclaim sa kadaugan nga mag-usa usab sila sa pagpanumpa sa katungdanan basi sa ilang gitakda nga schedule.
Wala usab nagpasabot nga milikay sila sa uban nilang mga kaubanan apan aduna nay gitakdang commitments ang pipila kanila sa mismong gitakda nga adlaw sa oath taking ceremony ugmang adlawa.
Hinoon mapasalamaton pa gihapon sila si Belmonte, Abragan, Larrazabal ug Sweet sa imbitasyon kanila sa pagtambong ugmang adlawa sa gitakdang oath taking ceremony.
Samtang mapasalamaton silang upat nga mga konsehal ngadto sa pagsalig ug suporta nga gihatag kanila sa katawhan sa iligan.
Gani, ilang gisaad nga manerbisyo sila ug tinu-oray ug dili masayang ang pagsalig sa katawhan nga ilang gihatag ngadto kanila.
Ang pagpanumpa sa katungdanan mao’y usa sa pinakadakung tahas alang sa mga opisyal sa gobyerno tungod dinhi nila isaad ang mga gimbuhaton isip mga piniling opisyal sa usa ka syudad.(Ghiner L. Cabanday, RMN Iligan)
