Davao City – Balhog sa Buhangin Police Station ang tulo ka mga tawo human nakalapas sa Article 151 of the Revised Penal Code (RPC) of the Philippines, labot sa gipatumang Enhanced Community Quarantine kontra covid-19 sa dakbayan sa Davao.
Ang tulo ka dinakpan sila Johnry Lustica, 32 anyos, single, residente sa NHA Bangkal; Marwin Torremucha, 35 anyos, helper, residente sa Km. 9, Matina Pangi; ug Joever Pontecostes, 35 anyos, helper, residente sa Punta Dumalag, Matina Aplaya, syudad sa Davao.
Sumala pa ang tulo wala mituman sa social distancing samtang nagsakay sa forward fuso fighter truck nga gimaneho ni Lustica sa dihang gi-inspection sa kapolisan kauban ang duha niya ka helper ug matud pa arogante sa gimontar nga quarantine control point sa Tigatto, Buhangin, ning dakbayan sa Davao.
Samtang, mag-atubang ug kasong kalapasan sa Executive Order No. 20 series of 2020 of Revised Penal Code (RPC) in relation to COVID-19, ang usa ka tricycle driver nailang Norlito Castro, 46 anyos, taga Maco Davao De Oro, kasamtangan nagpuyo sa Kawayanan, Purok 7, Brgy. 8-A syudad sa Davao.
Gisikop ang suspek sa kapolisan sa San Pedro human wala nituman sa social distancing didto sa Bankerohan bisan og gibadlong na sa mga Police si Castro apan nagpadayon gihapon sa pagpanawag sa mga pasahero ug wala nipatu-o sa kapolisan.
RadyoMaN Don Pulayao
