General Santos City–Hingpit nang gipasakaan ug kaso sa Police Station 7 ang amahan nga nimolestya sa iyang tulo ka mga anak kaganinang buntag.
Gikumperma ni Po2 Jonalyn Himalay, imbistigador sa WCPD sa Police Station 7 nga kaganinang buntag, ila nang napasang-at ang kasong Act of Lasciviousness ug Physical Injury batok sa suspek nga si Alias Welterio, 41 anyos nga taga Barangay Fatima, Gensan..
Una nang gireklamo sa iyang tulo ka mga anak nga nag edad 19, 14 ug 13 ang suspek human sa punay nga pagmolestya ug pagpanakit niini ngadto sa mga biktima.
Human sa nahitabo sa tulo ka mga biktima kansa gi-molestya sa ilang amahan, nanawagan karon ang kapulisan ngadto sa mga inahan nga bantayan ug maayo ang ilang mga anak nga babaye.
Sumala ni Po2 Himalay nga sa karon wala nay kasaligan bisan pa man ang mismong amahan.
Nasayran nga pipila na ka kaso sa lugos ang ilang natala ilawom sa ilang area of Responsibility nga ang suspek ang amahan ra sa biktima.
