UPDATE Pinay OFW nga taga-banwa sang Mambusao nga na-rescue sa Iraq, yara na sa paghinakop sang embahada sang Pilipinas!

692

Roxas City, Capiz- Yara na sa paghinakop sang POLO- OWWA sa pungsod Jordan ang 35-anyos nga OFW nga taga Brgy Balat-an banwa sang Mambusao nga narescue matapos ini ang ginpabayaan sang iya amo sa pungsod Iraq.
Sa pagpakig-angut sa RMN- Roxas kay Rachel Orleans Lopez, sa bulig sang agency sini kag sang embassy madinalag-on siya nga narescue sa poluy-an sang amu nga Iraqi.
Suno kay Rachel Orleans Lopez, gamit sini sa pag-communicate sa iya pamilya ang napulotan nga simnet.
Ginpahayag sini nga sang nakaligad nga Hunyo 24, gindala siya sang iya amo sa Iraq apang Hulyo 13 nagbalik ang mga ini sa Jordan kun sa diin siya ang ginbilin sa poluy-an.
Rason sang mga ini nga indi siya maka-upod bangud expired na ang iya visa gani kinahanglan nga iproseso apang nagligad lamang ang pila ka inadlaw sang paghulat sini, negatibo ang sabat sang mga employeer.

Sa subong ginahulat na gid lamang ni Lopez, abiso nagikan sa embahada para ini ang dalayon na nga makapauli diri sa Capiz.


Facebook Comments

From Advertisers