5:30 PM 9JULY18
Basi sa Weather Forecast sa PAGASA ganihang 4:00 sa hapon, ang sentro sa Bagyong (Typhoon) “GARDO” adunay gilay-ong 1,020 km Sidlakan Amihanang-sidlakan (East Northeast) nga bahin sa Basco, Batanes, kakusgong 185 kph ug paglihok nga 30 kph Kasadpan Amihanang-kasadpan (West Northwest) ganihang 3:00 sa hapon.
Ang Northern Mindanao dili apektado sa Bagyong (Typhoon) “GARDO” ug Southwest Monsoon (HABAGAT) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.
Madag-umon ngadto sa hinay (light) nga pag ulan ang nasinati sa ubang parti sa CDO karong orasa.
Giabisuhan ang mga motorista nga maagian na sa tanang klase nga sakyanan ang mga dalan sa Villarin St. – Max Suniel St. (St.Mary’s Academy, Country Village, COC-PHINMA); Serina St. (Madonna Hospital); ug Corrales Ext. – Pacana (DENR).
Nagpabiling madag-umon ngadto sa hinay (light) nga pag ulan ang nasinati sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling madag-umon ngadto sa hinay (light) nga pag ulan usab ang nasinati sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor.
Source: CDRRMD
