Malaybalay City, Bukidnon – Dili pa mabutyag sa 8th Infantry Battalion kon 8 th IB, Philippine Army ang gigikanan ug pangalan sa usa ka lalaking gituhuan nga miyembro sa New Peoples Army kon NPA nga napatay atol sa engkwentro sa Sitio Magawa, Brgy. Bulonay lungsod sa Impasug-ong, Bukidnon kaniadtong Biyernes sa hapon.
Sa interview sa RMN Malaybalay ngadto kang 1Lt. Erwin Bugarn, ang cmo ug spokesperson sa 8th IB gibutyag niini nga samtang nagpahigayon ug combat operation tropa sa kasundaluhan sa mao nga dapit muabot sa 5 kapin kon kulang ka mga NPA nga ilawom sa SDG Dario SECOM 89, NMRC ang naka-engkwentro niini nga naagresulta sa pagkamatay sa usa ka lalaki nga gituhuan nga miyembro sa NPA.
Matud ni Bugarin nga apil sa na rekober sa napatay ang armas nga dala niini.
Gawas niini, adunay narekober usab sila sa encounter site ang usa ka AK 47 nga adunay usa ka magazine nga loaded sa 21 ka mga buhing bala.
Sa karon dili pa mabutyag ni Bugarin sa publiko ang pangalan sa mao nga napatay tungod kay ila pang gipaningkamutan nga ma-konektar ang pamilya niini.
Giklaro usab niini nga engkwentro ug dili ambush ang nahitabo.
