South Cotabato—Human sa nahitabong pagkahugno sa tunnel nga iyaha sa Tribal Mining Corporation sa Barangay Kematu, T’boli, South Cotabato nga gikamatay sa usa ka minero, gimando na sa Mines and Geosciences Bureau (MGB) Region-12 ang temporaryong pagpaundang sa exploration work niini.
Base sa gipagulang kamanduan sa MGB-12, usa ka simana nga suspensyon ang gipahamtang sa Tribal Mining Corporation human sa insidenti, kansa kabahin matud pa sa rekomendasyon sa technical team sa MGB nga maoy nag imbistiga.
Nasayran nga migula sa imbistigasyon sa MGB nga peligroso alang sa mga minero ang tunnel gumikan dili matud pa kini lig-on ug dunay posibilidad nga mahugno.
Una nang nahitabo ang pagkahugno sa maong tunnel niadtong nakalbayng simana diin usa gyud ang namatay.
