Upod sa inom, nag-inaway kinagat ang dalunggan, nagwilwig

473

MURCIA, NEGROS OCCIDENTAL – Nagwilwig gid ang dalunggan sang isa ka lalaki matapos ini ginkagat sang iya kontra sa ilimnan kagab-i sa Brgy. Buenavista, banwa sang Murcia.

Nakilala ang biktima nga si Ricky Marañon, 47 anyos, soltero kag pumuluyo sang Brgy. Buenavista sa amo nga banwa.

Suno sa biktima nga may mga las 8:30 kagab-i sa Had. Jalandoni sa amo nga barangay ini sila ang naga-inom inom upod sa iya barkada.

Apang sa wala mahibaluan nga rason, ini sila ang nag-away sang suspek kag nagtapungulay kon diin nakibot na lamang siya sang hinali nga gin-kagat sang suspek ang iya wala (left) nga dalunggan kag nagisi gid.

Dali-dali naman nga gindala sa Corazon Locsin Montelibano Memorial Regional Hospital ang biktima agud mabulong ang naga “wilwig” na niya sini nga dalunggan./ Photo courtesy of Daily Shark

Facebook Comments