Detinado karon ang polis nga anak usab sa kanhi polis ning dakbayan, human kini masikop sulod sa drug den, atol sa gihimong operasyon sa City Drug Enforcement Unit kon C-D-E-U.
Giila ni Police Senior Insp. Maricris Mulat, ang hepe sa C-D-E-U ang maong polis nga si PO2 Buenaventura Reyes III.
Nasayran nga si PO2 Reyes ang anak sa kanhi station commander sa Cogon Police Station nga si Senior Insp. Buenaventura Reyes Sr.
Samtang….
Dili matud pa si PO2 Reyes ang target sa buy bust operation sa C-D-E-U kon dili ang 39 anyos nga si Ian Torres ug Julius Narvasa nga taga-Quezon, Bukidnon.
Busa nakurat na lamang matud pa silang Senior Insp. Mulat, dihang ilang nakita sulod sa drug den si Reyes nga naggamit sa illegal nga druga ug wala makatuong tiggamitan ba diay niini ang maong polis.
Sa karon nag-atubang sa kasong pagsupak sa Republic Act 9165 ang mga suspek ngadto sa piskalya ning syudad.
