Nadugangan karon ug usa ka kumpirmadong kaso sa COVID-19 ang probinsya sa Bukidnon diin kini usa ka out patient.
Kini basi na sa briefer sa Department of Health kon DOH-10 kagabie.
Gipahayag ni DOH-10 Regional Director Adriano Subaan atol sa NorMin COVID-19 Response Task Force Press Conference karong buntag nga ang nagpositibo sa COVID-19 sa Bukidnon usa ka 45 anyos nga lalaki, nga usa ka health worker.
Sa karon kamulo pa ang contact tracing ug apil na ang pag verify sa iyang history of exposure.
Sa kasamtangan gipailawom kini sa hugot nga quarantine sa usa ka isolation facility sa probinsya sa Bukidnon ug nagpabilin kining asymptomatic.
Una nang gikumpirma ni Provincial Health Officer Dr. Ricardo Reyes nga taga Manolo Fortich ang bag-ong nadugang nga kumpirmado nga kaso sa COVID-19 sa Bukidnon.
Sa karon, duha na ang Total Confirmed Case sa COVID-19 sa Bukidnon kung asa ang usa nakarekober na.
