Davao City – Ugdaw ang usa ka balay atol sa nahitabong sunog sa may corner Tavera ug Oriental St. sa Barangay 9-A.
Ang balay gipanag-iyahan ni Edilberto Rivas, 55 anyos, landlord sa maong boarding house.
Sa imbestigasyon ni FO2 Jarrissiah Pizarras, fire investigator sa C.B Bangoy Fire Station nga ang hinungdan sa sunog mao ang napasagdan nga nilung-ag sa usa ka boarder niini.
Matud ni Pizarras 12 ka pamilya ang apektado sa maong sunog.
Gideklarang fire out ang maong sunog bandan alas 3:30 sa hapon hinuon walay naangol o nasamdan sa maong insidente.
Sa pagkakaron gina-imbestigahan pa sa BFP kun pila ang kantidad sa damyos sa sunog.
RadyoMan Don Pulayao
Facebook Comments
