Padayon pa karon ang pagpangita sa mga kapulisan sa lungsod sa Sindangan may kalabot sa nahitabong pagpamusil-patay sa usa ka biktima didto sa may brgy. Tinaplan sakop sa maong lungsod.
Sa nahipos nga impormasyon sa kapulisan ang napatay nga biktima mao si Garry Mandawan Andayan, 27, swerte usab nga nakalingkaas sa maong panghitabo si Bernabe Banugon Agom, 37 anyos, pulos kini sila residente sa Sitio Lingkunan, Bgy. Tinaplan, Sindangan.
Matod pa ang biktima uban niini ang iyang asawa nga si Junita Andayan Agom,32 anyos ug Marissa Andayan. Nagbaklay kini sila gikan sa Tinaplan proper padulong sa ilang balay apan sa ilang paghidangat sa lugar nahitaboan adunay mga grupo nga nailang sila si Rufino Banugon Agom, 47, Consil Malig-on Agom, 67, Rudy Mandawan Agom, 20 ug si alyas Jason, menor de edad pulos kini sila molupyo sa Sitio Lingkunan, Sindangan.
Saysay pa sa mga biktima kalit lang kini mipakita ug mibanhig kanila ginamit ang wala maila nga tulo ka tag-as nga armas bitbit nila ni Rufino Agom, Rudy Agom, ug ni alyas Jason ug gamit usab ang mubo nga kalibre ni Consil Agom.
Mismo si Rufino ang mipusil patay kang Garry Andayan nga naka angkon ug daghanang samad pinusilan. Dali kining gitabang ni Bernabe apan ang mga person of interest nagkasabot nga ilang I apil ang maong indibidwal ug didto dungan sila nga mikablit sa ilang armas.
Unsang hitaboa nga wala mibuto ang ilang mga armas sa dihang ilang gikablit.
Hinungdan nga dali nga misibat ang grupo palayo sa lugar nahitaboan, dali usab nga mihimo ug manhunt operasyon ang kapulisan uban sa 20th Special Forces may kalabot sa maong panghitabo.
Malampuson nila nga nasikop sila si Consil Ago mug Alyas Jason didtosa panimalay ni Rufino Agom.
Kasamtangan usab nga ginapangita ang duha pa ka mga person of interest kun asa na kini nagtago-tago
Butyag pa ni PO2 Ramil S. Tequil ang imbistigador, personal nga bangi ug away sa yuta ang nakita nila nga motibo sa pagpamusil.
