General Santos City—aminado ang usa sa mga executive assistant ni Gensan City Mayor Ronnel Rivera nga si Jonathan Blando nga alarming na alang sa mga katawhan sa Gensan ang pagsiaw na usab sa mga riding in tandem criminals sa siyudad.
Gani una ng mipalag kaniadtong milabayng regular session sa Sangguniang Panlungsod si Peace And Order Chairperson Jing Gacal Jr., tungod sa sunod sunod na usab nga pagpamusil patay sa Gensan nga kahimuan sa mga riding in tandem criminals.
Gani pamatuod niini nga sa bulan lamang sa Enero 2018, tulo na ang gipamusil patay sa mga riding in tandem criminals sa dakbayan. dugang pa ni Jonathan Blando nga angayang molihok na ang kapulisan sa Gensan aron resolbahon ang paggara na usab sa mga kriminal, giawhag usab karon ni Blando ang tanang mga brgy opisyal ingon man ang mga katawhan nga magbinantayon sa matag unya og ereport gilayon ngadto sa kapulisan ang unsa mang mga mamatikdan sa lugar.
Dugang pa sa maong opisyal nga naningkamot usab si Mayor Ronnel Rivera nga madugangan ang dakung kakuwangon sa mga ekipo sa kapulisan, kung asa kaniadtong milabayng semana lamang mihatag si Mayor Rivera og mga high powered firearms sa GSCPO og sa pagkakaron anaa na matud pa sa bids and awards committee ang pagpalit og walo ka mga bag-ong PNP patrol cars. (Emir Bariquit)
