General Santos City–Kombinsido karon si Gensan City Councilor Vanvan Congson nga organisado og may grupo nga naghupot sa mga riding in tandem criminals nga naglihok sa Gensan karong mga panahuna.
Sa pamahayag ni Congson nga alarming na usab ang ginahimo sa mga riding in tandem criminals sa siyudad kung asa sa bulan lamang sa Enero 2018 tulo na ang gipamusil patay sa Gensan nga kahimuan sa mga riding in tandem criminals.
Aminado usab si kagawad Congson nga angayang musubmitar og report si Gensan City PNP Director Senior Supt Ruel Berango ngadto sa hawanan sa konseho may kabahin sa estado sa peace and order sa dakbayan.
Una ng mialma si kagawad og Atty. Jing Gacal human mabati ang sunod sunod nga patay sa syudad kaniadtong milabayng regular session sa Sangguniang Panlugnsod. Angayan na usab nga mohimo nag lakang si CD Berango aron mapaundang ang pagsiaw na usab sa mga riding in tandem criminals. (Emir Bariquit)
