General Santos City—-Tulo ang nagpabiling aktibong kaso sa covid 19 sa Covid Facility sa Dr. Jorge P Royeca Hopsital ug usa niini ang anaa sa ICU human kining gi-operahan.
Sumala kang Dr. Ryan Aplicador, Chief Hospital sa Dr. Jorge Royeca Hospital nga ang nasangpit nga anaa sa ICU ang gina-suta pa kung aduna kini sakit ng daan o tungod sa komplikasyon sa Covid.
Sa dihang na-admit matud pa kini nakita na nga aduna kini problema sa iyang baga ug dugang pa ang problema sa kidney.
Gawas sa tulo ka aktibong kaso, adunay pito ang negatibo na sa covid samtang adunay upat ang ginahulat pa ang resulta sa repeat swab.
Dugang pamahayag ni Dr. Aplicador nga sa karon dili pa nila mabutyag kung daan ng may sakit ang nahisgutang pasyente apan subay sa pamahayag sa kabanay niini, wala matud pay sakit ang nahisgutan rason nga dako ang ilahang pagtuo nga dala sa komplikasyon sa covid ang sakit niini.
Samtang sa hisgutanan pasilidad, daghan matud pa ug bakante ang covid facility sa Dr. Jorge kung asa adunay 25 nga bed capacity para sa mild positive case sa dakbayan.
Samtang adunay napulo nga bed capacity para sa severe ug duha ang ICU bed ug usa niini ang occupied.(LVR)
