Usa ka Datu sa tribung Lumad ang gipusil kini kaganihang buntag sa may Purok 1, Kasiklan, Las Nieves, Agusan del Norte. Subay sa report sa Las Nieves Police Station ang biktima naila sa pangalan nga si Roberto Acedo Mandominda o naila sa tawag nga si Datu Bidog.
Ang maong datu gipusil sa makadaghan nga beses sa tulo ka mga armadong suspect nga gituohang sakop sa NPA.
Ang maong panghitabo hugot nga gikondinar sa mga tribu.
Kaganihang buntag nagpaabot sa pahasubo sa pamilya si Agusan del Norte Ex-Officio Board Member Datu Bawang sa kamatayun sa iyang kaubang datu.
Gikundinar sa maong IPMR Representative ang kabangis sa mga rebeldeng NPA.
Sa miaging adlaw usa usab ka sakop sa tribu ang gipatay sa Surigao del Sur.
Sent from my Samsung Galaxy smartphone.
