Detinado karon sa custodial facility sa City Drug Enforcement Unit kon C-D-E-U ang usa ka empleyado sa Capitolyo probinsyal, human kini nasapong nag-pot session sa iyang kwarto kagabii.
Nasapon ang 43 anyos nga si Edgardo Cajardo, nga taga-Binitinan, Balingasag, Mis. Or., kinsa kasamtangang nagpuyo sa kwarter sa old building sa D-P-W-H diha sa Capitol compound.
Kini ang gibutyag ni Police Senior Insp. Maricris Mulat, ang hepe sa C-D-E-U human adunay nagpahibalo kanila kalabot na sa dautang binuhatan sa suspek sulod sa iyang kwarter.
Dugang pa ni Senior Insp. Mulat, nga nakuha gikan sa suspek ang usa ka sachet sa gituhoang shabu ug mga drug paraphernalia.
Tungod niini, gikatakdang kasohan karong adlawa ang suspek sa pagsupak sa Republic Act 9165 kon Comprehensive Dangerous Drugs of 2002.
