General Santos City–Gikumpirma ni Police Major Romeo Calamba ang hepe sa Maasim, Municipal Police Station nga pormal nang napasakaan ug kasong kalapasan sa RA 10591 ang suspetsadong si Usman Salihol, 35 anyos, nanimuyo sa sitio kanlao, Barangay Pananag, munisipyo sa maasim kansa nasikop sa operasyon sa kapulisan.
Kahibaloan nga una nang nasikop sa kapulisan sa Maasim Police Station ang suspek bandang alas 3:00 sa kadlawon dihang gipatuman ang implementasyon sa search warrant sa kalapasan sa RA 10591 kon illegal possession of firearms pinaagi sa kamanduan ni Hon. Judge Oscar Noel Jr. sa justice on wheels.
Asoy usab sa opisyal nga nakumpiska lamang sa kapulisan sa suspek ang mga buhing bala sa nagkalaing matang sa armas ingon man magazine. (Reynald Timario)
