kapin 50 ka punoan sa mariwana nga nakumpiska sa kapulisan,padayon pang ginasuta kung si kinsa ang nanag-iya

29

South Cotabato–Padayon pang ginasuta sa kapulisan partikular na sa Tampakan PNP kung si kinsa ang responsable nga nananom sa nakumpiska nga kapin 50 ka mga punoan sa marijuana niadtong adalaw’ng Miyerkules sa kalasangang bahin sa Sitio Alyong,Brgy.Danlag Tampakan , South Cotabato.

Sumala pa ni Police Major Joseph Villanueva ang Chief Of Police sa Tampakan Police Station nga una na silang nakadawat ug impormasyon gikan sa nagpuyo sa maong lugar nga dunay mga punoan sa marijuana nga nagtubo sa nasampit nga lugar hinungdan nga ilang giaadtuan ug ilang nakita ang tag-as na nga punoan sa mariwana.


Saysay man usab ni Villanueva nga wala na nila naabtan sa lugar ang nanag-iya sa nakumpiska nga marijuana nga harbesunon na nga gibana-banaang moabot sa kantidad nga 12,000 mil ka pesos hinungdan nga ila kining gipang-ibot ug gidala sa Police Station ug ang uban ilaha nang gipangsunog aron dili magamit ug mabaligya sa mga nagpuyo sa lugar.

Dugang pagbutyag ni Police Major Joseph Villanueva nga ang lugar nga gitamnan sa marijuana ang ginataguan usab matud pa sa mga wanted persons nga gikan pa sa nagkalaing lugar sa Kiblawan,.Tampakan ug Columbio kung asa padayon ang operasyon sa kasundaluhan ug kapulisan aron masikop ang mga wanted nga nagtaguan sa lugar. (Reynald Timario)

Facebook Comments

From Advertisers