Gipaubos karon sa focus containment ang Purok 5, Zone 10-B, sa Upper Carmen ning syudad sa Cagayan de Oro human nagpositibo sa Corona Virus Disease o COVID-19 ang 73 anyos na lola at namatay.
Naa sa 360 ka mga balay ang nalakip sa maong focus containment.
Matud ni City Epidemiologist Dr. Joselito Retuya nga ang pasyente gihilantan, gi-ubo ug naglisod og ginhawa busa gidala sa ospital pero namatay.
Gibutyag ni Dr. Retuya nga ang pasyente niuli sa Bukidnon niadtong Marso ug nibalik sa syudad niadtong unang semana sa Hulyo.
Naa sa 13 ka closed contacts nga miyembro sa pamilya ug mga health workers ang gipaubos na usab sa quarantine sa Isolation Units sa syudad.
Sa karon, naa sa walo na ang patay sa COVID-19, 66 ang aktibong kaso ug 118 ang ni maayo na dinhi sa Cagayan de Oro.
