Wala maka-ipsot sa Joint Anti drug Operation sa Philippine Drug Enforcement Agency kon PDEA, ug Phil. National Police, ang usa Muslim Church leader, sa dihang gi-runda sa mga otoridad, ang iyang balay, nga abay sa usa ka Mosque, sa Barra Macabalan ning syudad sa Cagayan de Oro, bandang 8:30 ang takna kaganinang buntag.
Si PDEA Regional director, Wilkins Villanueva, mipa-ila sa maong suspect nga si Rasol Sarip, 60 anyos, nga negosyantig jewelries.
Matud ni Villanueva, nga si Sarip, ilang gi-ila nga usa ka High Target Value, human sa ilang kapin sa usa ka tuig nga pag-surveillance sa maong suspect.
Si Sarip, nasikop sa Joint Operation sa PDEA ug Phil. National Police sa sulod sa iyang pinoy-anan sa Barra Macabalan, pinasikad sa search warrant nga gi-issue ni Executive Judge Dennis Alcantar sa Regional Trial Court Branch 18.
Matud ni Villanueva, nga si Sarip, leader sa every Wednesday nga prayer meeting sa Mosque sa Barra Macabalan.
Nakuha sa mga otoridad sulod sa Aparador, sa kuwarto sa balay sa maong suspect, ang suspected SHABU nga mokabat sa kapin kon kulang 35 grams, nga dunay market value nga 175 thousand pesos.
Lakip sa nakuha sa balay ni Sarip ang usa ka Gluck 9mm pistol, walo ka mga bala, duha ka short and long Magazine, holster, ug Cash money nga 18 thousand pesos.
Ang maong suspect, gi-detain sa PDEA Mini cell, ug mag-atonang sa kasong illegal possession of prohibited drugs, ug illegal possession of fire arms and ammunition.
