Usa ka non-government organization nga pribadong kompanya ang buot mosuplay og tubig sa Cagayan de Oro Water District kon C-O-W-D ning syudad.
Gibutyag ni Sir Rallie Velez, ang Chief Executive Officer sa Cagayan de Oro Water Technology Corporation kon C-O-W-T-C, nga bag-o pa lamang ang ilang kompanya apan dugay nang katuigan nga gitun-an nila ang problema sa panubig ning dakbayan.
Gawas sa pagsuplay og tubig, nalambigit usab sila sa laing negosyo sama sa hydro ug kuryentye, gani nagsugod na sila sa ilang negosyo sa laing lugar.
Dugang pa niini, nga lahi ang ilang paagi sa pagsuplay sa tubig kon itandi sa Rio Verde tungod kay modular type kini kung asa dagko ang mga makina ug kusog ang pressure ton niini.
Sa karon dili pa nila masulti kung asa gikuha ang tinubdan sa tubig nga ilang isuplay apan anaa lamang kini sa syudad sa Cagayan de Oro.
Samtang giklaro usab niini, nga sa karon wala pa silay kasabotan sa ilang plano tali sa kagamhanang local sa dakbayan, gumikan kay anaa pa ang problema tali sa Rio Verde.
Gipresentar usab kagahapong adlawa sa sesyon sa konseho ning syudad ang chief executive officer sa Cagayan de Oro Water Technology Corporation kon C-O-W-T-C nga si Sir Rallie Velez.
Tumong niining masayran sa katawhan nga dili lamang ang Rio Verde maoy adunay kapas nga magsuplay og tubig, kon dili aduna pa diay laing pribadong kompanya nga makahimo niini.
By: Radyoman Aiza Mishelle Enloran, and Radyoman Ellah Baculio
