Gikonsidera sa Police Station 3 nga usa ka “robbery” ang nahitabo dihang gisulod sa 15 ka mga armadong lalaki ang panimalay didto sa Purok 2, Brgy. Ambago ning syudad sa Butuan, bandang alas 2:30 ang takna sa kaadlawon.
Gipanag-iyahan ang panimalay ni Romulo Elondo Pal, 55 anyos, minyu ug usa ka negosyante diin basi sa nakuhang CCTV nagbitbit ug mga high powered nga mga armas ang suspek ug may nagsuot ug vest kinsa nagpaila sila’ng sakop sa CIDG – Davao.
Sigun sa imbestigador sa Butuan City Police Station 3 ang mga armado nangita sumala pa ni Kimber Celis ang kaluha ni Dimber sa Forex Trading.
Gilimas sa mga armadong grupo ang salapi nga nibalor ug P150,000; klase-klase mga alahas nga nikantidad sa P15,000 ug daghang mga cellphone nga nibalor sa P116,000.
Gimando nio P/Maj. Patrick Lumba, station commander sa Police Station 3 ang makuting imbistigasyon sa maong insidenti uban sa koordinasyon usab sa Scene of the Crime Operatives (SOCO).
[image: ambago cctv.png]
