South Cotabato —Mitahan sa iyang kaugalingon ngadto sa Polomolok PNP ang usa ka kanhing preso nga una nang nakagawas gumikan na usab sa Good Conduct Time Allowance (GCTA).
Giila kini nga si Jose Garcia Noque, 62 anyos, nga taga Purok Pag-asa, Barangay Magsaysay, Polomolok, South Cotabato.
Nasayran nga misurender ang nasampit ngadto sa kapulisan human sa bahad ni Pangulong Rodrigo Duterte nga hatagan lang ug 15 ka adlaw ang mga prisong nakagawas gumikan sa GCTA nga motahan sa ilang kaugalingon ug ang shoot to kill order sa pangulo.
Si Noque kanhing napriso sa Iwahig Penal Colony, Puerto Princesa, Palawan ug konbiktado sa kasong rape niadtong tuig 1990 ug nahimong gawasnon niadtong Abril 5, 2017.
Sa karon ang nasampit nagpabilin sa kustudiya sa Polomolok PNP.
