Usa nga residential house ha V&G, Tacloban City, nasunog

TACLOBAN CITY – Naugbaw hin kalayo an usa nga residential house ha Saturn Alley, Brgy. 109-A, V And G Subdivision, Tacloban City, alas 7:30 kagab-i.

Basi ha report han Police Regional Office 8, gintatag-iyahan an mao nga panimalay ni Elena Basilan Perjes, 73 anyos, usa nga retired teacher, ngan residente ha nasabi nga lugar.

Ha nagawas nga imbistigasyon han mga otoridad, nagtikang an kalayo ha kandila nga ginmiminulayan han mga kabataan.


Gindeklara an fire-out alas 7:56 han gab-i.

Waray naman may nasamaran han nahinabo nga insidente.

Umabot ha P400,000 an danyos han sunog.

Damo na nga insidente hin sunog an nahinabo ha Tacloban City yana nga tuig.

Photo by Marie Tonette Marticio

Facebook Comments