Tampakan, South Cotabato—- Usa ang kumpirmadong patay human sa nahitabong pagbusikad sa granada sa may Purok San Francisco, Barangay Pula Bato , Tampakan South Cotabato, alas 9 ang takna milabay’ng gabii.
Sumala kang Police Senior Inspector Rafael Banggay, hepe sa Tampakan PNP nga nag-uban pang nag-inom ang biktmang si Albert “Tata” Davon ug ang suspek nga si John Rex Escallante.
Kung asa miulbo matud pa ang panaglalis rason nga iyahang gilabayan ug granda ang biktima nga hinungdan sa hinanaling kamatayon niini.
Dugang pamahayag ni PSI Banggay nga basi sa ilahang inisyal nga pagsuta adunay ginadala-dalang granada ang suspek kung asa kini ang ilaha pang gina-imbestigahan.
Sa karon matud pa dili pa sila makakuha ug saktong impormasyon gikan sa suspek kung unsay ilahang gilalisan gumikan sa iyahang tumang kahubog.
Kalabot niini, gibutyag ni PSI Banggay nga basi sa pamahayag sa mga silingan, walay karaang bangi ang suspek ug ang biktima ug posibleng tungod sa kahubog rason nga nahitabo ang insidente.
Ilaha pa usab ginasuta kung nalakip sa ilahang drug personality ang suspek ug kung aduna kini kasiong gikalambigitan sa lugar nga iyahang gihawaan. Sa kasamtangan, anaa na nakakustudiya sa lock up cell sa tampakan pnp ang suspek human madakpan dihang misuway ug sibat.
