General Santos City— Usa ang patay samtang usa ang nagpabiling kritikal human ang nahitabong disgrasya sa highway nga bahin sa Brgy. Lagao ning dakbayan.
Sumala kang Police Chief Master Sgt. Rodolfo YUTAMCo sa Traffic Managament Unit nga parehong anaa na sa usa ka direksyon kung asa nabanggaan sa usa ka mitsubishi lancer nga gimanihuan sa usa ka Jerwin Paglinawan ang usa ka traysikad nga gimanuahan sa usa ka George Cloma Sr., 51 anyos.
Dead on the spot ang driver nga si Cloma samtang nagpabilin pa sa pribadong bnalay tambalanan ang pasahero niining si Honeylet Barriento, 27 anyos nga taga Southvillas Brgy. Lagao gumikan sa mga samad niini.
Dugang pamahayag ni Yutamco nga nakaangkon ug grabeng samad sa ulo ang driver nga si cloma nga hinungdan sa iyahang hinanaling kamatayon.
Posible matud pang mag-atubang ug kasong reckless imprudence resulting to homicide and serious physical injury si Paglinawan nga kasamtangang anaa sa kustudiya sa TMU Gensan.
Apan higayon matud pa nga magdumili sa pagpasang-at ug kaso ang mga hingtungdan, sila sa kapulisan, ilaha kining i-respeto.
Samtang gi-angkon ni Jerwin Paglinawan siya maoy nakabangga sa traysikad nga gimanuan ni george cloam sr., nga miresulta sa kamatayon niini.
Wala matud pa niya nabatayan nga mi-abot sa 90 ang padagan niya sa iyahang sakyanan ug wala namatikdan nga anaa na sa iyahang atubangan ang traysikad sa biktima paliko na pasulod sa Southvillas Subdivision.
Sayay niya nga tungod a kusog nga impact, natanggal ang atop sa traysikad ug misulod pa sa windshield sa iyahang sakyanan.
Nangayo man usab ug pasaylo si paglinawan sa kabanay sa mga biktima ug wala matud pa niya gituyo ang maong disgrasya ug wala matud pa may gusto sa maong aksidente.
Andam matud pa siya nga mutabang sa unsa mang gikinahanglan hilabina sa pagpahiluna sa patay’ng lawas sa biktima ug sa biktimang anaa sa ICU.
Pagpaklaro niya nga wala siya maka-inom niadtong higayuna ug anaa siya s asaktong panghuna-huna dihang mahitabo ang aksidente.
Samtang gipaklaro sa asawang si Lani Cloma nga dili na sila mupasang-at ug kaso batok na kang paglinawan ang ilaha lang nga tabangan sila sa pagpahiluna sa patay’ng lawas niini.
Pamahayag niya nga dugay ng naga-byahian ang biktima gamit ang iyahang traysikad apan kini matud pa ang unang higayon nga naghatud kini ug pasahero sa lagyo nga lugar.
