Patay ang usa sa mga kidnapers sa duha ka babayeng pulis sa lalawigan sa Sulu kagahapon.
Kini human nagka-engkwentro ang 5th Scout Ranger Battalion sa joint task force Sulu ug ang mga armadong grupo nga gituohang Abu Sayyaf samtang kauban ang mga gidagit nga pulis nga sila PO2 Benierose Alvarez ug PO1 Dinah Gumahad.
Alas tres sa hapon kagahapon nahitabo ang enkwentro nga nilungtad sa 15 minutos sa Brgy Mauboh, Talipao, sa lalawigan sa Sulu.
Daling nisibat ang mga armadong grupo bitbit gihapon ang bihag nga duha ka babayeng pulis.
Tulo ka sundalo usab ang samaran sa engkwentro.
Padayon usab ang operasyon sa Joint Task Force Sulu aron maluwas ang mga bihag nga pulis.
Kagahapon gibutyag ni P-N-P Chief Director General Oscar Albayalde nga singko milyones ang gipangayong ransom aron mabuhian ang duha ka babayeng pulis.
