General Santos City–Gikumpirma ni Dr. Ryan Aplicador, Hospital Chief sa Dr. Jorge P. Royeca Hospital nga adunay usa nga anaa sa ICU sa Covid 19 Facility sa maong hospital. Sumala niini nga kasagaran sa mga adunay respiratory problem ang masulod sa ICU ug gikinahanglang tubuhan hilabina nga maglisod ug ginhawa ang pasyente.
Ang nauna matud pang na-ICU nga usa ka 27 anyos nga babaye, , nakasinati kini ug renal failure gawas sa respiratory problem, apan na-improve human kining gi-dialysis apan wala matud pa maka-rekober sa respiratory problem.
Dugang pamahayag ni Dr. Aplicador nga sa karon adunay 22 nga admitted sa ilahang pasilidad ug 13 niini ang aktibong kaso sa Covid-19. Aduna matud pay upat nga suspected case ug gipadala na sa St. Elizabeth ang specimen aron makumpirma kung positive o negative sa virus.
Apan aduna matud pay mga higayon nga sa SPMC Davao ginapadala ang mga specimen para sa swab testing hilabina kung wala ginadalian ang resulta. Apan sa karon tungod adunay mga simtomas ang gipa-ilalom sa swab testing, kini gipadala sa St. Elizabeth aron nga mas mapaspasan ang paggawas sa resulta.(LVR)
