Gidayeg sa Under Secretary sa Department of Education kon DEP-ED ang gihimong paghatag sa Ayala Foundation kauban sa Chooks to Go sa mga bag-ong nasudnong bandila.
Kini atol sa gihimong turn over ceremony sa mga nasudnong bandila gikan sa Ayala Foundation ug Chooks to Go, ngadto sa Opol National Technical Secondary School, kagahapong adlawa.
Matud ni USEC Tonisito Umali sa Department of Education nga dako og ikatabang sa gihimong paghatag sa Ayala ug Chooks to Go sa mga nasudnong bandila kay gawas nga mailisan na ang mga karaang bandila sa mga eskwelahan, mapakita usab niini ang pagka Pilipino sa matag eskwelahan.
Pina-agi usab niini mapadayag ang kahiusahan ug mapakita nga ang Pilipinas, adunay kagawasan.
Nasayran nga gisugdan sa Ayala Foundation ug Chooks to Go ang pagpanghatag sa mga nasudnong bandila sa Pilipinas alang sa mga public elementary ug high school sa tibuok nasud lakip na mga police station.
