Ginpa-idalum sa swab test subong nga adlaw ang mga empleyado sang General Services Office (GSO) matapos nga nag-positibo ang isa ka utility worker.
Lakip sa nag-gwa nga resulta kahapon, ang pag-positive sang empleyado sang syudad sang Bacolod nga assign sa Bays Center.
Ini siya ang isa ka lalaki, naga-trabaho bilang utility worker kag opisina sa Bays Center sa idalum sang GSO.
Ini siya ang nakabatyag sang trangkaso nagligad nga semana sa diin gin-subject ini sa swab testing sadtung July 17 kag wala na nagreport matapos ini.
Kahapon July 20, ang GSO worker ang kabahin sa 14 ka panibag-o nga Covid cases sa Bacolod.
Suno kay GSO Head – Jerome Solinap, nga ginpa-idalum sa swab test ang iban nga empleyado sang iya opisina bangud nga nagapadulong pa ini didto (old city hall) agud nga magpa-pirma sang pila ka papeles.
Sa karon, maga-close anay ang GSO Office para sa disinfection.
Nahibaluan nga ang Bays Center ang gin-convert sa karon bilang Bacolod Out Patient Respiratory Center apang wala ini direktiba nga involved sa operation sang BRO Center.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
