General Santos City—Naghatag na ug pahayag ang uyab sa 16 anyos nga si Alias Reyna kansa una nang naghikog sulod mismo sa ilang panimalay sa may Foremost Vill., Barangay Labangal, Gensan kagahapong adlawa.
Sumala ni Alias Ulysis, 19 anyos nga taga Baranagy Lagao, Gensan atol sa pakighinabi sa DXMD-RMN Gensan News team ngadto kaniya nga walay kamatuoran nga siya ang hinungdan sa paghikog sa iyang uyab.
Sumala niini nga bisan paman sila naglalis sa txt ayha sa paghikog niini, aduna matud pay mas bug-at nga problema ang biktima.
Usa sa mga gisulti kaniya sa ilang uyab mao ang mga kabalaka niini nga siya dili makatiwas ug pagtuon tungod dunay problema pinansyal ang iyang pamilya.
Samtang giklaro usab sa nasampit nga pinangga niya pag-ayo ang iyang uyab ug dili matud pa tinuod nga iya kining balikason kanunay. Iya lang kining mahimo kung maglagot siya sa iyang uyab.
Gidugang niini nga ilang gilalisan ayha pa nakaplagang patay ang biktima mao ang post niini sa Social Media nga nagsulti nga dili na niya kaya. Nasuko lang matud pa siya tungod siya nabalaka usab sa gipost niini sa Social Media.
