General Santos City–Takdang pasakaan ug kasong acts of lasciviousness sa kapulisan ang usa ka nga uyuan nga si alyas Fernan hamtong ang panuigon human nga masikop kini sa mga personahe sa Police Station 2 tungod sa pag panghilam niini sa iyahang 15 anyos nga pag umangkon niadtong milabay nga adlaw.
Sumala pa ni Police Major Ananias Vasquez ang Hepe Sa Police Station 2 nga nagpatabang sa ilahang estasyon ang usa ka amahan human nga misumbong kaniya ang iyahang menor de edad nga anak nga gihikap sa iyahang hubog nga uyuan ang iyahang dughan sa ilahang panimalay nga nahimutang sa Barangay Labangal.
Gilayon man usab nga girespondehan sa mga pulis ang maong insidente kung asa naabtan ang suspect ug gidakop.
Sa kasamtangan nagtingkagol na sa Police Station 2 ang suspect samtang gina-andam na sa police station 2 ang mgadukumento alang sa pag pasang-at ug kaso sa suspect. (Dave Silagan)
