Vaccination appointment system ilusad sa Davao

20

Davao City – Mamahimo nang makapili ang Davaoeños og schedule alang sa pagpabakuna batok Coronavirus Disease 2019 (COVID-19).

Matud ni Dr. Michelle Schlosser, COVID-19 Task Force Spokesperson, ilusad sa City Government of Davao ang vaccination appointment system aron nga mas mapa improbar ang transaksyon sa pagpa-schedule sa pagpabakuna labi na kadtong naghulat pa alang sa vaccination ug naglisod sa pagparehistro.


Segun ni Schlosser nga kaniadto, ang vaccination cluster ang maghatag og schedule diin maghulat na lamang og text message ang usa ka indibidwal apan karon dali na lamang sa sistema diin makapili og petsa ug oras ang magpabakuna.

“In this system, in this app, kani nga app mamahimong magbuot or makapili ang kanang magpa-register kung unsa ang pinaka-convenient niya nga time para sa iyahang first dose,” matud ni Schlosser.

Ang appointment system gigamit usab sa ubang government offices sama sa Philippine Regulatory Commission (PRC), National Bureau of Investigation (NBI), ug Department of Foreign Affairs (DFA) sa ilang transaksyon.

RadyoMaN Kirby Manzon



Facebook Comments