Vaccination simulation exercise sa Davao gidayeg

30

Davao City – Usa ka maayong ehemplo ang kaandam sa City Government of Davao sa vaccination program niini alang sa pag-abot sa bakuna batok Coronavirus Disease 2019 (COVID-19).

Kini ang gibutyag ni Secretary Carlito Galvez Jr., ang COVID-19 Czar ug National Task Force COVID-19 Response Chief Implementer, sa gihimong 3rd Davao City COVID-19 Vaccine Transport and Vaccination Simulation Exercise kagahapong adlawa (Pebrero 16, 2020) uban ang Coordinated Operations to Defeat Epidemic (CODE) Team.


Anaa sa aktibidad si Davao City Mayor Sara Duterte-Carpio, Department of Health (DOH) Secretary Francisco Duque III, Presidential Spokesperson Harry Roque, ug Cabinet Secretary Karlo Nograles.

Gidayeg ni Galvez ang preparasyon sa lokal nga gobyerno sa dihang nakit-an niini ang pagbansay pinaagi sa pag transport sa bakuna padulong sa Southern Philippines Medical Center (SPMC) ug ubang pang pagpangandam sa vaccination program.

“Nandito po kami ngayon (sa Davao City), dahil sa pag-uutos po ng ating mahal na presidente na tingnan po ang ating preparasyon (sa vaccination program). At nakita po namin talaga Mayor (Sara) ‘yung SPMC. Talagang na-impress po kami. Nakita po namin, one of the best preparation, even ‘yung pinaka smallest details. Iba talaga ang mga Dabawenyo,” segun ni Galvez.

Sa simulation exercise, gisampolan sa pagturok og bakuna (mock vaccination) si Sec. Roque diin si Sec. Duque pa mismo ang nag-administer niini.




Gisiguro usab sa National Task Force (NTF) ang igong suplay sa bakuna alang sa Davao City nga gitagana sa grupong anaa sa priority list sa lokal nga panggamhanan.

RadyoMaN Kirby Manzon

Facebook Comments