Valencia City, Bukidnon – Lauman karong tuiga aduna nay ma-montar nga mga traffic lights sa siyudad sa Valencia.
Sa interview sa RMN Malaybalay ngadto kang City Councilor Rodrigo Rosal, chairman sa committee on infrastructure gibutyag ninii nga nahuman na ang gihimong bidding alang sa traffic lights sa dakbayan.
Matud ni Rosal nga karong semanaha lauman nga e-award na kini ngadto sa contractor nga nakadaug sa bidding ug sugdan na ug pagtrabaho ang mao nga traffic lights.
Aduna na usab daw ordinansa nga gihimo kalabot niini.
Gidugang pa sa konsehal nga unang gi-propose nila ang 5 ka traffic light apan tungod sa kadako sa gastuhon niini, duha una ang ilang gi-una.
Ibutang kini duol sa bag-o ug daan nga Jollibee.
Sigun pa ni Rosal nga hi-tech na ang mao nga traffic lights tungod kay aduna na kini command center ug makita na ang mu-agi sa kadalanan.
