SIATON, NEGROS ORIENTAL – Wala sang nangin casualty sa tropa sang militar matapos ang nagluntad nga Valentine’s Day encounter sa tunga nila sang kapin sa anom ka miembro sang New People’s Army (NPA) sa Sitio Balaskan, Barangay Napacao, Siaton, Negros Oriental.
Mga remnants sang Southeast Front, Komiteng Rehiyon Negros, Cebu, Bohol, and Siquijor (SEF, KR – NCBS) ang naengkwentro sang 11th Infantry (Lapu-Lapu) Battalion, Philippine Army, las-6:00 sang aga, Pebrero 14, 2021. Nagpatigayon sang Focused Military Operations (FMOs) ang 11th IB bilang sabat sa report sang mga concerned citizen nga may yara sang presensiya sang armado nga grupo sa lugar.
Naglawig sang kapin 15 minutos ang engkwentro sa tunga sang magtimbang nga grupo. Wala sang napatay sa tropa sang military apang ginapatihan nga may casualties sa bahin sang NPA bangod sang nakit-an nga tinulo sang dugo sa withdrawal route sang mga ini.
Narekober naman sa encounter site ang isa ka M16 rifle, one (1) caliber .45 pistol, one (1) Laptop, five (5) cellular phones, personal belongings, kag subversive documents nga may high intelligence value. Madumduman nga sila man ang grupo nga naatubang sang 11th IB sa nagluntad naman nga Christmas eve encounter sang December 24, 2020 sa Sitio Libjo, Barangay Tayak, Siaton, sa diin duha ka NPA ang napatay nga ginkilala nga sanday Ka George kag Ka MJ.
[image: image.png]
