BACOLOD CITY – Natalana pa nga igapaidalum sa validation kon bala makapasar ukon qualified nga i-deklarar bilang drug free barangay ang walo tanan ka mga barangay sa ciudad sang Bacolod nga nag-request nga ini sila ang i-deklarar bilang drug-free barangay.
Suno kay Bacolod City Police Office, Public Information Officer PSI Armilyn Vargas nga ini nga mga barangay ang ginalakipan sang mga Barangays Granada, Alangilan, Vista Alegre, Brgy. Cabug kag Felisa subong man Brgy. 18, 17, 4.
Samtang, ang mga barangay naman nga na-una na gindeclare bilang drug-free nga amo ang Brgy. 24, 41 kag Brgy. 5 ang igapaidalum naman sa revalidation antes sila liwat mdeclare bilang hilway na sa druga.
Ini kasunod nga sang gindeclare ini nga mga barangay ang Bacolod yara pa sa idalum sang Negros Island Region apang bangud nga gin-dissolve na sa karon ang NIR, ang amo nga mga barangay ang dapat nga iga-revalidate./dyHB BACOLOD
