Davao City – Ang korapsyon dili madali sa pagpaundang tungod kay nakasulod na kini sa kinaiya sa tawo.
Sumala ni Department of Interior and Local Government (DILG-XI) Regional Director Alex Roldan, mao kini ang mapait nga realidad maong aron malikayan ang korapsyon, gikinahanglang undangon sa tawo ang iyang paghatag ngadto sa mga trabahante sa gobyerno kung dunay ginaproseso nga mga papeles o dokumento, butang nga angayang undangon aron batukan ang korapsyon.
Sugyot sa director nga gikinahanglang balikan nato ang values system sa mga Pilipino nga dili mosugot nga himoong corrupt ang atong sistema sama sa shortcut nga mga pamaagi pinaagi sa suborno o grease money kun padanlog aron ang transaksyon mopaspas.
Gipasabot usab ni Roldan nga aron maundang kini, angayan lamang nga motuman sa mga proseso nga ginapatuman aron malikayan ang paghatag ug kwarta ngadto sa mga anaa sa gobyerno ug tungod niini nga pamaagi, inanay nga mapakgang nato ang ginaingong korapsyon sulod diha sa panggamhanan.
RadyoMaN Bernard Pantallon
