Van blanco ya tamen?

Maga pulis ta hace el hondo investigation aserca con el un van color blanco que asegun tiene cuatro armao persona muntao yah ace victima con el un 18-anio de edad moher pormedio de rubar su personal cosas enantes tarde.
Na report ya recivi el DXRZ RMN Zamboanga ta aparese ta camina el moher na Villalobos Street cuando tiene ya lang asegun un van ya aparese y despues ya para na su costao y ya abre el fuerta donde el maga muntao adentro porsaomente yah ace embarca conel victima.
Ya amenasa con el victima el maga suspechao y asegun ya caba saca sum aga cosa-cosa como cell phone y otro pa.
Despues del incidente ya lleva conele man bira-bira na pueblo y despues yah ace conele abaha na Villabos Street lang siempre donde conele ya saca del mas temprano.
El moher yah ace el report na estacion del pulis para investiga y hace embuscada con el maga suspechao.