PATAY na sang masapwan sa atubang sang iya nga puluy-an sa Sitio Nato, Barangay Caliban banwa sang Murcia ang isa ka lalaki nga nakasakay sa iya nga motor kag may igo sang bala sa lawas las 12 sang udto, Enero 2.
Ginkilala ang biktima kay Alejandro Panganiban, 58 anyos, pumuluyo sang Brgy. Canlandog sang amo nga banwa.
Si Panganiban ang may igo sang bala sang armas sa likod sang iya nga lawas kag ini ang nagasakay pa sa iya motor sang ginbawian sang kabuhi.
Nakita sa eksena sang krimen ang isa ka basiyo sang calibre 45 nga pistola.
Padayon naman nga gina-usisa sang kapulisan kun sin-o ang suspetsado kag ang motibo sa amo nga krimen.
[image: image.png]
Facebook Comments
