Buug, Zamboanga Sibugay – Gi-atiman na karon sa mga doctor sa St. John General Hospital sa Zamboanga Sibugay ang driver ug mga pasahero sa pampasaherong van nga nadisgrasya didto sa Purok 5, Barangay Bulaan, Buug, Zamboanga Sibugay ala 1:50 karong hapon.
Sa inisyal nga imbestigasyon sa elemento sa Buug Municipal Police Station samtang nagdagan sa Highway ang Toyota Hi-Ace Van, color puti nga nagtangag sa plaka NCW 5343 gikan sa dakbayan sa Pagadian paingon sa syudad sa Zamboanga aksidente nga nawad-an og control ang driver nga si Reymond Delos Reyes, 37-anyos, mulupyo sa San Roque, Zamboanga City.
Nahagbong ang maong van sa pangpang nga dunay gitas-ong 50 meters sikan sa highway.
Samad ug bun-og sa lawas ang nahigauman sa driver nga si Delos Reyes lakip na usab ang pasahero niini nga si Tara Maxine Solis Insong, 28 -anyos, residente sa Divisoria Zamboanga City.
Samtang naka-angkon usab og minor injury ang laing pasahero nga si Janno Delos Santos, lalaki, 28 -anyos taga-Divisoria, Zamboanga City.
Base sa hulagway sa van nga gipadala sa Buug MPS sa DXPR Pagadian dili na mahitsura ang sakyanan gumikan sa kahabog sa pangpang nga gihagbungan niini.
