Van, pick up nadisgrasya sa managlahing lugar sa CBR kagahapon
Duha ka insidente sa National Highway ang natala kagahapon sa siudad sa Cabadbaran.
Una nga na report ang usa ka van sa may Comagascas, samtang ang ikaduha nga vehicular accident sa may Sanghan.
Sumala pa sa miresponde nga sakop sa BFP ug PNP posible sumala pa ang danlog nga dalan tungod sa ulan ang hinungdan sa disgrasya.
Angay masayran, Usa ang patay samtang laing usa ka biktima usab ang kritikal ang kahimtang ug gitambalan sa Agusan del Norte Provincial Hospital human nabalintong ang Toyota Hi-Ace Van ug mibangga kini sa duha ka mga motorsiklo didto sa nasudnong dalan sa P-1, brgy. Comagascas, Cabadbaran city, Agusan del Norte bandang alas 12:55 ang takna sa udto kagahapon.
Giila ang namatay kinsa nagmanehu sa Rusi motorcycle nga si Lennon Lanquino, 28 anyos, ulitawo ug residenti sa brgy. Bangonay, Jabonga, Agusan del Norte; samtang ang nahilandig sa hospital giila usab nga si Lolito Baslot, 53 anyos, minyu ug residenti sa brgy. Catugasan, Cabadbaran city kinsa nagmanehu sa Honda motorcycle.
Gibutyag ni P/SSgt Harold Osa, imbistigador sa Cabadbaran City Police Station nga samtang nagdagan ang Toyota Hi-Ace Van nga gimanehu sa usa ka Vitaliano Anino, 50 anyos, minyo ug residenti Uraya Subdivision, Mankilan, Tagum City, Davao del Norte – kalit lamang nibusikad ang ligid sa sakyanan resulta sa pagkabalintong ug mibangga sa duha ka motorsiklo nga nagdagan sa opposite nga direction.
Gikan pa sa Surigao city ang nasangpit nga Van sakay ang mga partisipanti sa Fun Run ug paghidangat sa lugar didto nahitabo ang disgrasya.
Nakatakdang ipasaka ang kasong Reckless Imprudence Resulting to Serious Physical Injury ug Homecide batok sa driver sa Hi-Ace Van tungod kay walay nahitabong negosasyon tali sa pamilya sa mga biktima. [image: van 3.jpg]
