Daghan kaayo mga tao ang nagproblema sa mga dagkong ugat nga nanggawas sa kamot labi na sa mga tiil o batiis.
Isa kini sa mag pa baba og kumpyansa labi na sa mga kababainhan nga mahiligon mag sout og gagmay nga mga palda o short og usahay musakit pa kini.
Bug-at og kapoy ang mabati sa mga dunay varicose veins.
Unsa ba ang solusyon ani ?
1. AYAW OG KA-GUILTY
· Mga 17% sa mga pasyente adunay varicose veins. Kini tungod nakuha sa mga ginikanan.
2. IBINAT ANG KAMOT OG TIIL
· Ang hinungdan sa varicose veins mao ang pag-luag sa mga ugat. Kung pirmi nakatukod ang inyong tiil sama sa pag tindog us aka adlaw. Mag ipon kini og dugo nga maoy hinungdan sa pagpamaga sa mga ugat. Mao nang importante jud ang mulingkod og ipatong ang mga tiil sa bangko aron nindot ang dagan sa dugo. Ipatong pod ang mga kamot sa unlan og binat binaton pataas og balik balika sa usa ka adlaw.
3. AYAW OG TINDOG OG PILA KA ORAS
· Kung ikaw usa ka security guard, pulis o sales lady, dali ra kaayo ka magka varicose veins. Ilihok lihok ang inyong mga tiil samtang nagtindog aron mura lang ka og nag-exercise nga maoy makatabang sa pagsaka sa dugo gikan sa paa pabalik sa kasing-kasing. Apan mas nindot gyud kung makalingkod ka ug tarong. Makatabang pod ang pagsout og gout nga stocking og medyas aron malikayan ang varicose veins.
4. ITAAS ANG IMOHANG TIIL SAMTANG NATULOG
· Ipatong ang imohang tiil samtang natulog ka, kini makatabang aron sa nindot nga flow sa dugo.
5. AYAW PAGSOUT OG GOUT NGA PANTALON
· Kung gout man ang atoang panalon, pwede nga maipit ang imohang mga uga sa tiil. Iguraduhon nga tama-tama lang ang gout sa gisout nga maong aron hapsay ang pag agi sa dugo sa atoang kaugatan.
6. KAON OG MGA GULAY NGA TAAS OG FIBER
· Kaon og mga gulay sama sa patola, petchay, okra o tangkong og prutas sama sa pinya o kapayas nga sagana sa fiber. Sa tabang niini, mamahimong regular ang inyohang pagpagawas sa hugaw og makalikay sa varicose veins pati sa almoranas.
Apan mga idol, duna pa ba kay nahibal’an, i-comment lang kana sa baba.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
