South Cotabato – Patay nang nahidangat sa ospital ang usa ka babaye samtang angol ang duha pa ka mga biktima human sa nahitabong aksidenti sa kadalanan sa Barangay Reyes, Banga, South Cotabato alas 6:30 sa gabie niadtong adlawng Domingo, June 3, 2018.
Giila ang biktimang namatay nga si Mary Joy Eskolta, 24-anyos samtang ang angol giilang si James Lloyd Ruben Caballero, 22, driver sa motorsiklo ug Johnny Dacullo, 26, back rider, susamang residenti sa syudad sa General Santos.
Sa inisyal nga imbistigasyon sa Banga PNP nasuta nga padulong unta sa Koronadal ang mga biktima, apan nahagbong sa putol nga dalan ang ligid sa motorsiklong ilang gisakyan mao nga sila natumba. Gumikan sa kusog nga impact nakaangkon ug grabeng samad ang biktimang namatay ug pagkaangol sa duha pa ka kaubanan.
Sa karon nagpadayon ang imbistigasyon sa kapulisan kalabutan sa maong insidenti.
