General Santos City—Usa ang patay samtang usa ang angol sa pagbalintong sa motorsiklo human nga nabangga sa mitabok nga iro sa national Highway nga sakop sa Purok Panangalon, Malapatan, Sarangani Province.
Biktimang namatay giilang si Keneth Necesito, 20 anyos, driver sa motorsiklo, samtang ang angol giilang si Boy Garcenes, 19 anyos, pulos mga residenti sa Barangay San Isidro, Gensan.
Sa inisyal nga imbistigasyon sa Traffic Management Unit sa Malapatan PNP nasuta nga alas 7:30 ang takna sa gabie samtang padulong sa Glan, Sarangani Province ang mga biktima sakay sa single nga motorsiklo.
Pag abot sa lugar, disgrasyang ilang nabanggaan ang mitabok nga iro nga hinungdan sa ilang pagbalintong.
Nakaangkon ug grabeng samad ang duruha apan ang driver nga si Keneth maoy napuruhan kansa gideklarang dead on arrival sa SOCKSARGEN Hospital, samtang kaubanan niining si Garcenes, pabilin pang giatiman sa mga doctor.
