*VEINTE-CIETE CADAVER YA RECUVRI ENTERAO NA MARAWI*
*BHONG SIMBAJON*
Veinte-ciete mga cadaver el que ya fuede recuvri el military desdel lugar de guerra na ciudad de Marawi ayer.
El militar ta cre cay este mga cadaver desconosido, mga cuerpo de aquellos mga sibilyan quien ya esta perdido por largo tiempo cuando ya principia el guerra na Marawi.
Con el mga resto, ya transporta el mga personajes del Lanao del Sur Provincial Disaster Risk Reduction Management Office abordo na ciete mga vehiculo military
desdel Capin Funeral Homes na ciudad de Iligan para na Maqbarah na ciudad de Marawi donde canila hay entera.
El military ta continua apela con el publico, especialmente aquellos chene mga desaparecidos mga familiars na guerra na Marawi para coordina y atraca con el mga personajes del Provincial Crisis Management Committee o el Missing Person Center na ciudad de Iligan y sumite mga se llama “swab samples” para el antemortem procedure. – *Bhong Simbajon/RMN News*
