Davao City – Nasikop sa kapulisan ang usa ka lalaki human nagwild alas 3:30 sa kadlawon nahitabo sa Roman Catholic Cemetery ning dakbayan.
Basi sa blotter San Pedro PNP, ang dinakpan naila sa pangalang Jb Anthony Ybanes, flower vendor, residente sa Bago Aplaya duna pay kauban nga nakasibat
Matud pa sa report, usa ka concerned citizen ang niduol kang PO1 Delos Reyes samtang nagduty sa maong sam-ang nga dunay tulo ka tao nisyagit ug nagwild.
Daling girespondehan ang maong panghitabo sa kapulisan ug nasikop ang misulay og ikyas nga suspek apan nakadagan ang kauban niini.
Samtang lain usab nga nakainom nga estudyante sulod sa Orchard Cemetery alas 10:00 kagabii ang gi-turn over sa San Pedro PNP pinaagi ni PO1 Estecomen.
Ang nasikop nga estudyante giila sa pangalan usa ka Brian Espedesa, 18 anyos, residente sa Barangay 22 Boulevard ning dakbayan.
Nakompiska sa kapulisan ang mga plastic cellophane, duha plastic nga botilya ug usa ka botilya sa soft drink nga gisudlan og bino.
Balhog na karon sa San Pedro PNP ang duha ka mga naasoy.
RadyoMaN Don Pulayao
