Nag-import sa mga plastic garbage gikan sa South Korea ang Verde Soko Philippines Industrial Corporation bisan wala pay ilang business permit sa ilang pagtukod og planta alang sa recyclable materials sa lungsod sa Tagoloan, Misamis Oriental.
Kini ang gibutyag ni Tagoloan Barangay Kagawad Roger Achas.
Matud ni Achas nga gihimong dumping ground sa Verde Soko ang ilang lungsod sa mga toxic waste bisan walay ilang permiso sa gobyerno.
Gibutyag usab ni Niel Alboro, Presidente sa Verde Soko Philippines nga ilang giplano ang paghimog planta sa Tagoloan silbing processing plant sa mga plastic recyclable materials.
Apan ang pahayag ni Alboro, gi-question ni Board Member Gerardo Sabal sa iyang pag-ingon nga nganong sa South Korea pa gyud magkuha ug plastic waste ang Verde Soko nga unta daghan man plastic garbage dinhi sa Pilipinas.
